சிவய.திருக்கூட்டம் sivaya.org Please set your language preference by clicking below languages link |
This page in
Tamil
Hindi/Sanskrit
Telugu
Malayalam
Bengali
Kannada
English
ITRANS
Marati
Gujarathi
Oriya
Singala
Tibetian
Thai
Japanese
Urdu
Cyrillic/Russian
Audio: https://www.youtube.com/watch?v=mvMHyNjAJWg
5.060
திருநாவுக்கரசர்
தேவாரம்
திருமாற்பேறு - திருக்குறுந்தொகை அருள்தரு கருணைநாயகியம்மை உடனுறை அருள்மிகு மால்வணங்குமீசர் திருவடிகள் போற்றி
ஏதும் ஒன்றும் அறிவு இலர் ஆயினும்,
ஓதி அஞ்சு எழுத்தும்(ம்) உணர்வார்கட்குப்
பேதம் இன்றி, அவர் அவர் உள்ளத்தே
மாதும் தாமும் மகிழ்வர், மாற்பேறரே.
[ 1]
அச்சம் இல்லை; நெஞ்சே! அரன் நாமங்கள்
நிச்சலும் நினையாய், வினை போய் அற!
கச்ச மா விடம் உண்ட கண்டா! என,
வைச்ச மா நிதி ஆவர், மாற்பேறரே.
[ 2]
சாத்திரம் பல பேசும் சழக்கர்காள்!
கோத்திர(ம்) மும் குலமும் கொண்டு என் செய்வீர்?
பாத்திரம் சிவன் என்று பணிதிரேல்,
மாத்திரைக்குள் அருளும், மாற்பேறரே.
[ 3]
இருந்து சொல்லுவன்; கேண்மின்கள்: ஏழைகாள்!
அருந்தவம் தரும், அஞ்சு எழுத்து ஓதினால்;
பொருந்து நோய் பிணி போகத் துரப்பது ஓர்
மருந்தும் ஆகுவர், மன்னும் மாற்பேறரே.
[ 4]
சாற்றிச் சொல்லுவன்; கேண்மின்: தரணியீர்!
ஏற்றின் மேல் வருவான் கழல் ஏத்தினால்,
கூற்றை நீக்கிக் குறைவு அறுத்து ஆள்வது ஓர்
மாற்று இலாச் செம்பொன் ஆவர், மாற்பேறரே.
[ 5]
Go to top
ஈட்டும் மா நிதி சால இழக்கினும்,
வீட்டும் காலன் விரைய அழைக்கினும்,
காட்டில் மாநடம் ஆடுவாய், கா! எனில்,
வாட்டம் தீர்க்கவும் வல்லர், மாற்பேறரே.
[ 6]
ஐயனே! அரனே! என்று அரற்றினால்,
உய்யல் ஆம்; உலகத்தவர் பேணுவர்;
செய்ய பாதம் இரண்டும் நினையவே,
வையம் ஆளவும் வைப்பர், மாற்பேறரே.
[ 7]
உந்திச் சென்று மலையை எடுத்தவன்
சந்து தோளொடு தாள் இற ஊன்றினான்
மந்தி பாய் பொழில் சூழும்-மாற்பேறு என,
அந்தம் இல்லது ஓர் இன்பம் அணுகுமே.
[ 8]
Thevaaram Link
- Shaivam Link
Other song(s) from this location: திருமாற்பேறு
1.055
திருஞானசம்பந்த சுவாமிகள்
திருக்கடைக்காப்பு
ஊறி ஆர்தரு நஞ்சினை உண்டு,
Tune - பழந்தக்கராகம்
(திருமாற்பேறு மால்வணங்குமீசர் கருணைநாயகியம்மை)
1.114
திருஞானசம்பந்த சுவாமிகள்
திருக்கடைக்காப்பு
குருந்து அவன், குருகு அவன்,
Tune - வியாழக்குறிஞ்சி
(திருமாற்பேறு மால்வணங்குமீசர் கருணைநாயகியம்மை)
4.108
திருநாவுக்கரசர்
தேவாரம்
மாணிக்கு உயிர் பெறக் கூற்றை
Tune - திருவிருத்தம்
(திருமாற்பேறு அமிர்தகடேசுவரர் அபிராமியம்மை)
5.059
திருநாவுக்கரசர்
தேவாரம்
பொரும் ஆற்றின் படை வேண்டி,
Tune - திருக்குறுந்தொகை
(திருமாற்பேறு மால்வணங்குமீசர் கருணைநாயகியம்மை)
5.060
திருநாவுக்கரசர்
தேவாரம்
ஏதும் ஒன்றும் அறிவு இலர்
Tune - திருக்குறுந்தொகை
(திருமாற்பேறு மால்வணங்குமீசர் கருணைநாயகியம்மை)
6.080
திருநாவுக்கரசர்
தேவாரம்
பாரானை; பாரினது பயன் ஆனானை;
Tune - திருத்தாண்டகம்
(திருமாற்பேறு மால்வணங்குமீசர் கருணைநாயகியம்மை)
This page was last modified on Sun, 31 Mar 2024 02:36:43 -0400